Kevind de Bruyne បំបែកកំណត់ត្រាមួយនៅ Premier League បន្ទាប់ពីលេងទល់ Bournemouth

ខ្សែបម្រើវ័យ២៨ឆ្នាំ Kevin de Bruyne ទីបំផុតបានបំបែកកំណត់ត្រាម៉្យាងនៅក្របខណ្ឌ Premier League ក្រោយពីជួយឲ្យ Manchester City យកឈ្នះលើ Bournemouth ក្នុងលទ្ធផល ៣ទល់១ ក្នុងការប្រកួតប្រចាំសប្តាហ៍ចុងក្រោយនេះ។

ការបញ្ជូនបាល់ (Assist) ឲ្យមិត្តរួមក្រុម Sergio Agüero ក្នុងគ្រាប់បើកឆាកនាទី១៥ នោះតាមស្ថិតិកីឡាករប៊ែលហ្ស៊ិកខាងលើរកបានការបញ្ជូននេះសរុប៥០ដងមកហើយ។ ចំនួននេះគឺជាចំនួនកំណត់ត្រា សម្រាប់អ្នករកបញ្ជូនបាល់បាន៥០ដងលឿនជាងគេ បើគិតតាមការបង្ហាញខ្លួនសរុបនោះ ពោលគឺរូបគេបង្ហាញខ្លួនត្រឹមតែ១២៣ដងប៉ុណ្ណោះ ខណៈតំណែងលេខ២ត្រូវបានធ្លាក់ទៅលើ Mesut Özil ទៅវិញដែលរកបាន៥០ដងនៃការបញ្ជូនដូចគ្នា តែក្នុងការបង្ហាញខ្លួនដល់ទៅ១៤១ដង។

ខាងក្រោមជាតួរលេខអ្នករកបាន៥០ដងនៃការបញ្ជូន (Assist) ដល់មិត្តរួមក្រុមគិតតាមការបង្ហាញខ្លួនតិចជាងគេទាំង៥រូប៖

១. Kevin De Bruyne – ១២៣ដង
២. Mesut Özil – ១៤១ដង
៣. Eric Cantona – ១៤៣ដង
៤. Dennis Bergkamp – ១៤៦ដង
៥. Cesc Fábregas – ១៦៥ដង ៕

Loading...