បាល់ទាត់

ក្រោយ​ចាញ់ U22ហ្វីលីពីន​គ្រូបង្វឹក​ U22ម៉ាឡេស៊ីថា ស្មារតីកូន​ក្រុម​នៅ​តែ​ខ្លាំងសម្រាប់​ប្រកួតបន្ទាប់

និយាយ​ក្រោយចប់​ការ​ប្រកួត​ដ៏​ខក​ចិត្ត​ស្អិត​ទ្រូងក្នុង​ជំនួប U22ម៉ាឡេស៊ី​ចាញ់​ម្ចាស់​ផ្ទះU22ហ្វីលីពីន​១​ទល់​០​លោក Ong Kim Swee នៅ​តែ​មាន​ទំនុក​ចិត្ត​ថា​ក្រុមរបស់​លោក​អាចផ្លាស់ប្ដូរការ​ប្រកួត​ហើយ​នៅ​សល់ឱកាស​ឡើង​ទៅ​វគ្គពាក់កណ្ដាល​ផ្ដាច់​ព្រ័ត្រ។

ឆ្លង​កាត់​២​ប្រកួត​ដំបូង​ក្រុម​ម៉ាឡេស៊ី​ស្មើ​ជាមួយ​មីយ៉ាន់ម៉ា​១​ទល់១ក្នុង​ប្រកួត​ដំបូង​ហើយ​រងបរាជ័យ​ក្រោម​ថ្វី​ជើងម្ចាស់​ផ្ទះហ្វីលីពីន​ខណៈ​គោលដំណង​យក​ដំណែង​លេខ​២​ក្នុង​ពូល​កំបុង​តែ​ប្រផុតប្រផើយ។​ទោះ​បី​ជា​យ៉ាង​នេះ​ក្ដី! គ្រូ​បង្វឹក​រូប​នេះ​នៅតែ​មាន​ទំនុក​ចិត្ត​អាច​​កែ​ប្រែស្ថានភាព​ក្រុមបាន ​ហើយ​ពិសេស​កីឡាករ​មិនបាន​បាក់​ទឹក​ចិត្ត​នោះ​ទេ។

” វា​ពិត​ជា​គួរឲ្យ​ខក​ចិត្ត​ខ្លាំង​មែន​ទែន។​យើង​កំពុង​ស្ថិត​នៅ​ពី​ក្រោយ​ពេលវេលាដ៏​លំបាក​ហើយ​ម្ចាស់ផ្ទះ​ហ្វីលីពីន​លេង​ដោយ​ឆន្ទៈចង់​ឈ្នះ​ខ្លាំងក្នុង​ទឹក​ដី​ខ្លួន​ឯង យើងក៏​មិន​អាច​កែ​ប្រែស្ថានភាពក្នុង​ការ​ប្រកួត​បាន​ទៀត”។

បរាជ័យ​ក្រោម​ថ្វី​ជើង​ U22ហ្វីលីពីន​បាន​បណ្ដាល​ឲ្យ​ក្រុម​ម៉ាឡេស៊ី​មាន​មួយ​ពិន្ទុ​ឈរ​លេខ​៤​ក្នុង​តារាងតែ​នៅ​សល់​២​ប្រកួត។ លទ្ធផល​នេះ​បាន​ធ្វើ​ឲ្យ​អ្នក​គាំទ្រស្ទើរតែ​អស់​ចិត្ត​ជាមួយ​ក្រុមជម្រើស​ជាតិ​ប៉ុន្តែ​លោក Ong Kim Swee នៅ​តែ​មាន​ទំនុក​ចិត្ត​ដដែល។

“​មនុស្ស​មួយចំនួននិយាយ​ថា​យើង​គួរតែ​ខ្មាសអៀនដែល​ទទួល​បាន​លទ្ធផល​ចាញ់។​តែ​ខ្ញុំ​ចង់​បញ្ជាក់​ថា​ស្មារតី​កីឡាករ​នៅតែល្អ​ដដែល។​U22ម៉ាឡេស៊ី​នៅ​សល់​២​ប្រកួត​ទៀត”។

ប្រកួត​បន្ទាប់​ពួក​គេ​ត្រូវ​ជួប​ក្រុម​ខ្សោយ​ជាង​គេ U22ទីម័រខាងកើត​ហើយ​ការ​ប្រកួត​នេះ​ក្រុម​លោក Danial Amier ក៏​ត្រូវ​ការ​ឈ្នះ​ដាច់​ខាត​ដើម្បីកុំឲ្យ​ធ្លាក់​ហើយ​នៅ​មា​នឱកា​ប្រជែង​ក្នុង​ការ​ប្រកួត​ចុង​ក្រោយ៕

 

 

 

 

Most Popular

To Top
error: ហាមចម្លងអត្ថបទ! សូមទាក់ទង 066555628