កម្ពុជា ណាត់មិត្តភាពទល់ ម៉ុងហ្គោលី ជាប្រកួតចុងក្រោយនៅពហុកីឡដ្ឋានជាតិ ប្រចាំឆ្នាំនេះ

សហព័ន្ធកីឡាបាល់ទាត់កម្ពុជា បានប្រកាសជាផ្លូវការនៃការរៀបចំប្រកួតមិត្តភាពនាខែក្រោយនេះតទល់នឹងជម្រើសជាតិម៉ុងហ្គោលី ដែលនឹងរៀបចំឡើងនៅលើពហុកីឡដ្ឋានជាតិអូឡាំពិក។

កម្ពុជា នឹងបើកទ្វារពហុកីឡដ្ឋានជាតិអូឡាំពិក ជាលើកចុងក្រោយក្នុងឆ្នាំ២០១៩ នេះដើម្បីទទួលស្វាគមន៍ក្រុមជម្រើសជាតិមកពីតំបន់អាស៊ីខាងកើតខាងលើ ក្នុងការប្រកួតមិត្តភាពនាថ្ងៃទី១៤ ខែវិច្ឆិកា ខាងមុខ មុនហោះហើរទៅកាន់ទីក្រុងហុងកុង ក្នុងការប្រកួតជើងទី២ នៃវគ្គជម្រុះទៅកាន់ FIFA World Cup ២០២២ នាថ្ងៃទី១៩ ខែដដែល។

ជារួម ម៉ុងហ្គោលី ធ្វើដំណើរមកដល់ប្រទេសកម្ពុជាយើងរួចហើយនឹងត្រូបន្តដំណើរទៅជួបមីយ៉ាន់ម៉ា ក្នុងជើងទី២ ដូចគ្នា។ ម៉ុងហ្គោលី ស្ថិតនៅក្នុងពូល F នៃដំណើរជម្រុះទៅកាន់ FIFA World Cup ២០២២ រួមជាមួយ មីយ៉ាន់ម៉ា ជប៉ុន កៀស្ថីស្ថាន និងតាជីគីស្ថាន។

បើសង្កេតមើលចំណាត់ថ្នាក់លេខរៀងប្រចាំ FIFA វិញ ក្នុងការបញ្ចេញលទ្ធផលចុងក្រោយ ម៉ុងហ្គោលី ស្ថិតនៅលេខរៀងទី១៨៣ ជុំវិញពិភពលោក៕

search previous next tag category expand menu location phone mail time cart zoom edit close